“Pierrot” studiyası məşhur “Naruto” anime seriyasının yeni film üzərində işlədiyini təsdiqləyib. Məlumata görə, film 2026-cı ilin yazında nümayiş olunacaq və hadisələr “Naruto Shippuden” seriyasından bir neçə il sonrasını əhatə edəcək.
Layihənin rejissoru orijinal seriyada da çalışmış Hayato Date olacaq. Ssenarini isə “Boruto” seriyasının yazıçısı Makoto Uezu qələmə alır. Bildirilir ki, yeni film daha çox Naruto və Sasukenin münasibətinə, həmçinin yeni nəsil ninja ideyasına fokuslanacaq.
Anime ictimaiyyəti bu xəbəri böyük maraqla qarşılayıb. Sosial şəbəkələrdə “#Naruto2026” heşteqi qısa müddətdə trendə çevrilib. Bəzi izləyicilər “Boruto” seriyasından fərqli olaraq, bu filmin daha çox nostalji hissləri oyadacağına ümid edirlər.
“Pierrot” studiyasından verilən açıqlamaya görə, filmin musiqi tərtibatı üzərində “Naruto”nun klassik saundtreklərini bəstələmiş Yasuharu Takanashi çalışacaq.
Ekspertlər hesab edirlər ki, bu film “Naruto” brendinin yenidən populyarlıq qazanmasına səbəb ola bilər və Yaponiyanın anime sənayesində yeni mərhələnin başlanğıcını qoyar.
Mənbə: AnimeNewsNetwork, Crunchyroll, NHK Japan
Tərcümə etdi: Fatimə Salmanlı
