İtaliyanın simvollarından biri olan Venesiya şəhəri hər il az da olsa suyun altına enməkdə davam edir. Aparılan elmi ölçmələrə əsasən, şəhər ildə təxminən 1-2 millimetr arası çökür. Bu proses həm təbii torpaq çökməsi, həm də insan fəaliyyətləri nəticəsində baş verir. Eyni zamanda, iqlim dəyişikliyi səbəbilə dəniz səviyyəsinin yüksəlməsi də vəziyyəti daha da təhlükəli hala gətirir.
Bu gedişlə yüz illər boyu mədəniyyətin və incəsənətin beşiyi olmuş Venesiya gələcəkdə ciddi risklərlə qarşı-qarşıya qala bilər. İtaliya hökuməti və beynəlxalq qurumlar şəhərin qorunması üçün uzunmüddətli layihələr hazırlamaqdadır. Bununla belə, ekspertlər bildirirlər ki, tədbirlər təcili görülməsə, Venesiyanın tarixdə qalması yalnız şəkillərlə mümkün olacaq.
Mənbə: Today.com
Tərcümə etdi: Aysel Şıxməmmədova
