Heyvan sahibləri olaraq hamımız üçün ən çətin anlardan biri, şübhəsiz ki, dostlarımızın həyatlarının son mərhələsinə qədəm qoyduğunun fərqinə varmaqdır. Xüsusilə pişiklərdə ölüm əlamətlərini tanımaq bəzən çətindir, çünki onlar ağrı və zəifliklərini gizlətməyə meyllidirlər. Müəyyən fiziki və davranış əlamətləri pişikinizin həyat yolunun sonuna yaxınlaşdığını göstərə bilər.
Pişiklər həyatlarının son mərhələsinə qədəm qoyarkən bədənlərində bəzi dəyişikliklər baş verir. Bu dəyişikliklər bədənin əsas sistemlərinin fəaliyyətinin ləngiməsi və ya itirilməsi ilə əlaqələndirilir. İştahsızlıq, halsızlıq və bədən istiliyinin düşməsi kimi simptomlar adətən birlikdə baş verir. Bu əlamətləri müşahidə etmək pişikinizin sağlamlıq vəziyyətini qiymətləndirmək üçün vacibdir. Hər fiziki dəyişiklik ölümlə əlaqəli olmadığı üçün baytarlıq müayinəsi aparılmalıdır.
Həyat enerjisi azalan pişiklər hərəkət etməkdə çətinlik çəkir. Onlar gün ərzində yatır, hərəkət etməməyi üstün tutur və ya çox yavaş hərəkət edir. Zibil qutusuna getmək, su içmək və ya yemək qabına çatmaq belə bir səy ola bilər. Pişiyinizin pilləkənləri çıxarkən büdrəməsi və ya tullanmaqdan qaçması kimi davranışlar da bu proseslə əlaqəli ola bilər.
Bədən istiliyinin 37 ° C-dən aşağı düşməsi ciddi həyəcan siqnalı hesab olunur. Əgər pişik titrəyirsə, daim isti yerlərdə sığınacaq axtarırsa və ya bədənində ümumi soyuqluq hissi varsa, bu, ölüm prosesini göstərə bilər.
Pişiklərdə bəzi ölüm əlamətləri müşahidə etsəniz, əmin olmağınızdan asılı olmayaraq ən yaxşı addım bir baytarla məsləhətləşməkdir. İştahsızlıq, tənəffüs çətinliyi və sosial çəkilmə kimi simptomlar digər xəstəliklərin də əlaməti ola bilər. Erkən müdaxilə pişikinizin ömrünü və rahatlığını artıra bilər.
Semptomları müşahidə etmək və peşəkar qiymətləndirmə almaq vacibdir. Tez bir baytar ziyarəti həm düzgün diaqnoz, həm də müvafiq qayğı planı üçün vacibdir.
Mənbə: petlebi.com
Tərcümə etdi: Nazrin Humbat
