“Mavi balina” 2016-cı ildə internetdə yaranan və çoxlu insanın diqqətini çəkən, narahatlıq və panika doğuran bir hadisənin adıdır. Oyun gənclərə 50 tapşırıqdan ibarət bir sınaq təqdim edir, hər bir tapşırıq isə tədricən daha təhlükəli və riskli olur. Bütün bu tapşırıqları bir “kurator” verir - sosial şəbəkələrdə saxta hesablarla gizlənən bir şəxs. Tapşırıqlar başlanğıcda zərərsiz fəaliyyətlərdən ibarət olub, məsələn, əlinə balina çək və ya səhər saat 4:20-də oyandıqdan sonra video izlə. Lakin zamanla tapşırıqlar daha təhlükəli və qorxulu olurdu: qorxulu videolar izləmək, özünə kəsiklər vurmaq, damın kənarında oturmaq və sonda isə - intihar etmək.
Hər nə qədər “Mavi balina” haqqında bəzi məlumatlar şişirdilmiş və ya saxta olsa da, həqiqətən də bəzi gənclər bu tapşırıqları yerinə yetirərək faciəvi nəticələrə yol açıblar. Ən çox diqqət çəkən hadisələrdən biri Filipp Budeykinin həbs olunması olub. O, “ölüm qrupları” yaratmaq və gəncləri intihar etməyə təhrik etməkdə ittiham olunub. Bu hadisələr ictimai narahatlıq doğurub və internetdə təhlükəsizlik məsələləri barədə çoxsaylı müzakirələrə səbəb olub.
Psixoloqlar izah edir ki, belə “oyunlar”, xüsusilə emosional böhran keçirən, depressiya və ya ailə problemləri yaşayan gənclər üçün təhlükəlidir. Kuratorlar yalnızlıq və güvənsizlik hisslərini manipulyasiya edərək gənclərə “aidiyyət” və “məqsəd” hissi yaradıblar. Cəmiyyətdən kənarda hiss edən gənclər, tez-tez belə manipulyasiyalara məruz qalırdılar.
Belə təhlükələrdən qorunmaq üçün uşaqların emosional vəziyyətinə diqqət yetirmək və onların internetdə kimlərlə ünsiyyətdə olduqlarını izləmək vacibdir. Ailələr uşaqları ilə açıq və etibarlı bir əlaqə qurmalı, onlara dəstək olmalıdırlar. Əgər uşaq çətinliklər keçirirsə və ya narahatlıq hissi göstərirsə, psixoloq və ya digər mütəxəssislə əlaqə qurmaq lazımdır.
Mənbə: BBC
Tərcümə etdi: İbrahim Çobanlı
