Alimlər müəyyən ediblər ki, hibridləşmə növlərin təkamülündə əvvəl düşündüyümüzdən daha vacib rol oynayır.
Son genetik araşdırmalar göstərir ki, müxtəlif növlər arasında hibridləşmə təkamül və uyğunlaşmada mühüm rol oynayır. Əvvəllər hibridlərin steril olduğu və təbiətdə qalıcı təsir göstərmədiyi düşünülürdü. Lakin son tapıntılar bəzi hibridlərin mühit dəyişikliklərinə daha davamlı olduğunu və bu xüsusiyyətləri nəsildən-nəslə ötürə bildiyini ortaya qoyur. Xüsusilə quşlar, balıqlar və bəzi məməlilər üzərindəki tədqiqatlar bu üstünlüyü təsdiqləyir.
Harvard Universitetindən təkamülçü bioloq Dr. Lena Kovacs bildirir ki, “Hibridləşmə genetik müxtəlifliyi artıraraq nəsli kəsilmə riskini azalda bilər və bu proses təkamülün təbii hissəsi kimi qəbul olunmalıdır". Məsələn, iqlim dəyişikliyi səbəbilə yaşayış ərazilərinin yaxınlaşması qütb ayıları ilə qonur ayılar arasında hibridləşməni artırıb. Araşdırmalar göstərir ki, yaranan hibridlər həm soyuq qütb mühitinə, həm də meşəlik sahələrə daha yaxşı uyğunlaşa bilir.
Bu tapıntılar bizə təkcə keçmişi anlamağa deyil, həm də növlərin gələcəkdə iqlim dəyişikliyi və ətraf mühit təzyiqləri qarşısında necə təkamül edəcəyini proqnozlaşdırmağa imkan verir. Alimlərin fikrincə, hibridləşmə artıq nadir bir hal deyil, təkamülün əsas hərəkətverici qüvvələrindən biri kimi qiymətləndirilməlidir.
Mənbə: Evrim ağacı
Tərcümə etdi: Dilbər Paşazadə
