Göz qırpmaq insan orqanizminin avtomatik olaraq yerinə yetirdiyi təbii reflekslərdən biridir. Araşdırmalara görə, orta hesabla bir insan dəqiqədə 14-17 dəfə gözlərini qırpır. Bu, bir saat ərzində 840-1020 dəfə, gün ərzində isə təxminən 15-20 min dəfə göz qırpmağa bərabərdir.
Göz qırpmaq gözlərin nəmlənməsinə, toz hissəciklərindən qorunmasına və sağlam qalmasına kömək edir. Alimlər bildiriblər ki, bu refleks yalnız fiziki ehtiyacla deyil, həm də beyinin fəaliyyət səviyyəsi ilə əlaqəlidir. Məsələn, bir insan kitab oxuyanda və ya ekrana baxanda göz qırpma tezliyi azalır. Əksinə, rahat və sakit bir vəziyyətdə olan insan daha çox göz qırpır.
Göz sağlamlığını qorumaq üçün mütəxəssislər ekran qarşısında uzun müddət vaxt keçirən insanlara “20-20-20” qaydasını tövsiyə edirlər. Bu qaydaya əsasən, hər 20 dəqiqədən bir 20 saniyə ərzində 20 fut (təxminən 6 metr) uzaqlığa baxmaq lazımdır. Bu, göz yorğunluğunun qarşısını almağa kömək edir və göz qırpma tezliyinin azalmasının yaratdığı quru göz sindromunu qarşılayır.
Beləliklə, göz qırpmaq sadə bir refleks kimi görünsə də, insan sağlamlığı üçün olduqca vacibdir. Bu səbəbdən, göz sağlamlığını qorumaq və düzgün vərdişlər formalaşdırmaq hər kəs üçün əhəmiyyətli olmalıdır.
Mənbə: Today.com
Tərcümə etdi: Aysel Şıxməmmədova
