ABŞ-ın Kolorado ştatında baş verən inanılmaz hadisə insanları təəccübləndirib. 1945-ci ildə fermer Lloyd Olsen təsərrüfatında bir toyuğun başını kəsib, lakin quş ölməyib. Əksinə, o, tam 18 ay boyunca yaşamağa davam edib.
Olsen ailəsi üçün yemək hazırlamaq məqsədilə toyuğu kəsib, lakin quşun yerə yıxılmadığını görüb. Başsız toyuq həyatda qalmağa davam edib və hərəkətlərini davam etdirib. Fermer bu vəziyyətdən təəccüblənib və toyuğa xüsusi qayğı göstərib. Mike adlandırılan toyuq pipet vasitəsilə qidalandırılıb və su içirilib.
Hadisə qısa müddətdə geniş yayılıb. Alimlər toyuğu araşdırıb və onun beyninin bir hissəsinin sağlam qaldığını təsbit edib. Bu, onun həyatda qalmasına imkan verib. Toyuq müxtəlif şəhərlərdə sərgilənib, qəzetlər və jurnallar onun haqqında yazıb.
Mike 1947-ci ildə boğularaq ölüb. Buna baxmayaraq, onun hekayəsi bu gün də xatırlanıb və Kolorado ştatında “Başsız Toyuq Günü” adlı festival keçirilib. Bu hadisə elm dünyasında diqqət çəkib və heyvanların sinir sisteminin işləmə prinsipləri ilə bağlı maraqlı faktlar ortaya çıxıb.
Mənbə: Today.com
Tərcümə etdi: Aysel Şıxməmmədova
