Dəvəquşular qeyri-adi xüsusiyyətləri ilə tanınan quş növlərindən biridir. Bu quşların ən maraqlı xüsusiyyətlərindən biri də gözlərinin beyinlərindən daha böyük olmasıdır.
Dəvəquşular dünyanın ən böyük quşlarıdır və çəkiləri 150 kq-a qədər çata bilər. Bu nəhəng quşlar uça bilməsələr də, yerində sürətlə qaçmaq bacarığına malikdirlər. Onların gözləri təxminən 5 sm diametrindədir və bu, onları quruda yaşayan heyvanlar arasında ən böyük gözlərə sahib edir. Maraqlıdır ki, dəvəquşunun beyni isə gözlərindən daha kiçikdir.
Bu anatomik fərqlilik onların görmə qabiliyyətinin nə qədər inkişaf etmiş olduğunu göstərir. Dəvəquşular geniş əraziləri görmək üçün kəskin görmə qabiliyyətinə malikdirlər. Bu xüsusiyyət onlara yırtıcılardan qorunmağa kömək edir. Məsələn, bir dəvəquşu təhlükəni kilometrlərlə uzaqdan sezə bilər.
Elm adamları bu fərqliliyin dəvəquşuların inkişafı və həyat tərzi ilə bağlı olduğunu bildirirlər. Onların əsas instinktləri qaçmaq və təhlükədən yayınmaqdır. Buna görə də, böyük beyin yerinə, geniş görmə sahəsinə sahib olmaq onların sağ qalmasına daha çox kömək edir.
Mənbə: Today.com
Tərcümə etdi: Aysel Şıxməmmədova
