Cənnət xurması (xurma, diospyros kaki) çox faydalı meyvələrdən biridir. Onun sağlamlığa bir çox müsbət təsiri var:
1) Vitamin və minerallar baxımından zəngindir – A, C, E və K vitaminləri, həmçinin kalium, maqnezium, fosfor və liflə zəngindir.
2) Güclü antioksidant mənbəyidir – Tərkibindəki beta-karoten, lutein və likopen orqanizmi sərbəst radikallardan qoruyur, xərçəng riskini azalda bilər.
3) Ürək sağlamlığına faydalıdır – Qan təzyiqini tənzimləməyə kömək edir, zərərli xolesterini və infarkt riskini azalda bilər.
4) Həzm sistemini dəstəkləyir – Lifli quruluşu bağırsaq fəaliyyətini yaxşılaşdırır, qəbizliyin qarşısını alır.
5) Görmə qabiliyyətini qoruyur – A vitamini və lutein göz sağlamlığını dəstəkləyir, göz xəstəliklərindən qoruyur.
6) Dərinin və saçların sağlamlığını yaxşılaşdırır – C və E vitaminləri dərini cavan saxlayır, saç tökülməsinin qarşısını alır.
7) İmmuniteti gücləndirir – C vitamini orqanizmin infeksiyalara qarşı müqavimətini artırır.
8) Sinir sisteminə müsbət təsir edir – Stresi və yorğunluğu azalda və həmçinin rahatlaşdırıcı təsir göstərə bilir.
Xurma, xüsusilə qış aylarında bədənin ehtiyac duyduğu vitamin və mineralları təmin edən əla bir meyvədir.
Mənbə: Ntv
Tərcümə etdi: Zeynəb Həsənova
