Astral səyahət və ya bədəndən kənar təcrübə (OBE) olaraq da bilinən astral proyeksiyainsanın şüurunun fiziki bədənindən ayrıldığı fərdin astral müstəvini və ya digər ölçüləri araşdırmasına imkan verən mistik bir hadisədir.
Bu təcrübədə insan şüurlu və ya şüursuz olaraq fiziki bədənini tərk edərək mənəvi səfərə çıxır. Bu səyahət zamanı siz fiziki məkanları aşaraq müxtəlif ölçülərdə səyahət edə, ruhani varlıqlarla əlaqə saxlaya və məlumat ala bilərsiniz. Bu təcrübə mənəvi inkişaf, özünü kəşf və başqaları ilə dərin əlaqələr üçün imkan yaradır. Ağılın və ruhun sərhədlərini aşmaq və kainatın dərinliklərinə bir pəncərə açmaq üçün güclü bir vasitədir.
Astral səyahət hər kəsin yaşaya biləcəyi bir təcrübə olsa da, bəzi insanlar astral səyahət etmək üçün təbii qabiliyyətə malikdir, bəziləri isə bunu öyrənməlidir.
Beləliklə, tarix boyu astral səyahət necə görünüb? Nə vaxt və nə üçün istifadə olunub?
Astral səyahətin mənşəyi qədim dövrlərə gedib çıxır. Müxtəlif mədəniyyətlərdə mistik ayinlərdə və şaman təcrübələrində istifadə edilib. Bu tarixi və mədəni köklər göstərir ki, astral səyahət sadəcə dəb və ya keçib gedən bir tendensiya deyil.
Qədim Misir sivilizasiyası:
Onlar astral səyahətə böyük əhəmiyyət verirdi. Misirdə astral səyahət "Ka" adlanırdı və axirətə keçidin bir hissəsi hesab olunurdu. Fironlar və keşişlər axirət səyahətlərində astral səyahətdən istifadə edir və bu təcrübəni öz ruhlarının inkişafı üçün bir vasitə kimi görürdülər.
Hinduizm:
Hinduizmin müqəddəs mətnlərində də astral səyahətə istinadlar var. Yoqa və meditasiya kimi təcrübələr astral səyahəti yaşamaq üçün istifadə edilən vasitələr arasındadır.
Amazon:
Waiwai'nin yaskomosunun şəfa kimi bir neçə funksiyaya xidmət edə bilən bir ruh uçuşunu yerinə yetirmək qabiliyyətinə sahib olduğuna inanılır. Yeni doğulan körpəyə ad almaq üçün kosmoloji varlıqlarla (Ay və ya Ayın Qardaşı) məsləhətləşmək üçün səmaya uçmaq, pekkari mağarasına uçaraq ov dağlarının atasından ov bolluğu istəmək, ya da digər varlıqlardan kömək istəmək üçün çayın dərinliklərinə uçmaq bu səyahətlərə misal olan ənənələrdəndir.
Inuit:
Bəzi Inuit qruplarında “anqakkuq” kimi tanınan xüsusi qabiliyyətlərə malik şəxslərin (mifoloji) ucqar yerlərə səyahət edə bildikləri və öz təcrübələrini və mühüm məsələləri öz icmalarına bildirdikləri deyilir. Bu qabiliyyətlər normal imkanları olan insanlar üçün əlçatmaz olardı. Digər şeylər arasında bir anqakkukun pis ov şansını dayandırmaq və ya xəstəni sağaltmaq qabiliyyətinə malik olduğu deyilirdi.
Yaponiya:
Yapon mifologiyasında “ikiryō” canlı insanın bədənindən ayrı olan ruhunun təzahürüdür. Ənənəvi olaraq, kimsə başqa bir insana kifayət qədər kin saxlayırsa, belə hesab edilir ki, ruhunun bir hissəsi və ya bütün hissəsi müvəqqəti olaraq bədənini tərk edərək nifrət edilən insanın qarşısına çıxa bilər, onu lənətləmək və ya başqa bir şəkildə pislik edərək zərər verə bilər. Bədən həddindən artıq xəstə və ya koma vəziyyətində olduqda ruhların canlı bədəni tərk etdiyinə də inanılır.
Yəhudi və xristian inanclarına görə incə bədən fiziki bədənə gümüş kordon vasitəsilə bağlanır. Və beləliklə, astral səyahət zamanı ruh bədəndən tam olaraq ayrıla bilmir.
Mənbə: Zeninwm
Tərcümə etdi: Aysu Əsgərzadə
