Bəlkə də bir çoxumuz “Sağlam ol!” ya da “Bless you!” deyərkən, sadəcə adətə görə bu sözləri dilə gətiririk. Lakin bu ənənənin arxasında maraqlı və bəzən də qorxulu bir səbəb gizlənir. Bildiyiniz kimi, hər dəfə öskürək və ya asqırıq zamanı “sağlıq” dilə gətirilir, amma bunun bədənin həyati funksiyaları ilə bir əlaqəsi olduğunu da düşünə bilərik.
Araşdırmalar göstərib ki, bədənimiz asqırarkən ürək döyüntüsü bir neçə anlığa dayanır. Tamamilə dayanmasa da, ürək bir müddət yavaşlayır və ya bir dövrü buraxır. Bu, asqırmanın bədəndə təbii reaksiyasıdır. Ürəyin bu ani və kiçik “buz” vəziyyəti zamanı bəzən insanlar yüngül başgicəllənmə və ya ürək döyüntüsünün pozulması hiss edə bilərlər. Lakin narahat olmağa heç bir səbəb yoxdur. Çünki bu sadəcə qısa müddətli, bədənin təbii bir fizioloji reaksiyasıdır.
Əslində, qədim dövrlərdə asqırıq insanlarda ölümə və ya pis bir şeyin olmasına işarə kimi qəbul edilib. Hətta bəzi inanclara görə, asqıran şəxsin ruhunun bədənin xaricinə çıxdığına inanılıb. Bu səbəblə, qədim zamanlarda asqıran insanı qorumaq və pis enerjilərdən uzaq tutmaq məqsədilə “Bless you” (Tanrı səni qorusun) deyiblər.
Bugünkü dövrdə isə bu adət sadəcə bir nəzakət hərəkəti kimi qalır, amma bədənimizin necə işlədiyini anlamamız, ona daha çox diqqət yetirməyimizə səbəb ola bilər. Asqırıq, bədənin qoruyucu refleksi olaraq, havada olan mikrobları və tozları atmaq üçün təbii bir mexanizmdir. Ürəyin müvəqqəti yavaşlaması da, bədənin bu anı necə idarə etdiyini və təbii olaraq nizamlı işlədiyini göstərir.
Nəticə etibarilə, “Sağlam ol!” demək hələ də bir ənənə olaraq qalır, amma indi bunun arxasında bədənimizin gizli, amma olduqca maraqlı bir mexanizmasını da bilirik.
Mənbə: Savit.in
Tərcümə etdi: Aysel Şıxməmmədova
