Yaşlandıqca saçlarınız ağarmağa başlayır. Ancaq ağ saçlar həm qadınlarda həm də kişilərdə gənc yaşlarda görülür. Çünki bəzi xəstəliklər saçların vaxtından əvvəl ağarmasına səbəb ola bilər. Gənc yaşda saçların ağarması bədəndəki bəzi çatışmazlıqlardan xəbər verir.
Saçların ağarması təbii proses hesab olunur. Ümumiyyətlə, saçlar 30 yaşından sonra ağarmağa başlayır. Əvvəlcə boz olur, sonra tamamilə ağ rəng alır. Onlar saça təbii rəng verən melanin istehsal edən piqment hüceyrələridir. Bu hüceyrələrin istehsalı xüsusilə 30-40 yaşa qədər sağlam şəkildə davam edir.Yaşlandıqca əvvəlcə istehsal azalır, sonra isə hüceyrələr tamamilə ölür. Daha sonra ağ saçlar görünür. Ancaq ağ saçlar təkcə 30 yaşdan sonra görünmür. Saçlarınız çox gənc yaşda da ağara bilər. Saçların vaxtından əvvəl ağarmasının ümumiyyətlə genetik olduğu düşünülür. Amma bu belə olmaya bilər. Çünki saçların vaxtından əvvəl ağarması bədəninizdə bəzi çatışmazlıqlardan xəbər verə bilər. Xroniki stress və narahatlıq saçların vaxtından əvvəl ağarmasına səbəb ola bilər. Yüksək stress səviyyələri melanositləri (piqment istehsalına cavabdeh olan hüceyrələr) tükəndirə bilər və nəticədə saç rənginin itirilməsinə səbəb olur.
Əsas qida maddələrində, xüsusilə B12, fol turşusu, dəmir kimi vitaminlər və mis və sink kimi mineralların məhrum bir qidalanma vaxtından əvvəl ağarmağa səbəb ola bilər. Tütün məmulatları saçların vaxtından əvvəl ağarmasına səbəb olur. Tütün tüstüsünün tərkibindəki zərərli kimyəvi maddələr saç köklərini zədələyə və melanin istehsalını poza bilər. Həddindən artıq spirt istifadəsi vaxtından əvvəl saçın ağarmasına səbəb ola bilər. Alkoqol bədəni həyati vacib qida maddələrinin tükənməsinə səbəb ola bilər, əsas vitamin və mineralların udulmasına mane olur və ümumi sağlamlığa zərər verə bilər.Bütün bunlar vaxtından əvvəl ağarmağa səbəb ola bilər. Yetərsiz yuxu ağarma prosesini sürətləndirə bilər.Yuxunun olmaması bədənin müxtəlif funksiyalarını, o cümlədən saç sağlamlığı ilə bağlı funksiyaları poza bilər.
Saç məhsullarındakı çirklənmə və sərt kimyəvi maddələr kimi ətraf mühitin çirkləndiricilərinə və toksinlərə məruz qalma vaxtından əvvəl ağarmağa səbəb ola bilər. Bu maddələr saç follikullarına zərər verə bilər və melanin istehsalını maneə törədə bilər. Oturaq həyat tərzi vaxtından əvvəl ağarmağa səbəb ola bilər. Daimi məşq qan dövranını yaxşılaşdırır ki, bu da əsas qidaların saç köklərinə çatmasını təmin edir. B12 vitamini çatışmazlığı saçların vaxtından əvvəl ağarmasının ən çox yayılmış səbəblərindən biridir. Tədqiqatlar göstərdi ki, B12 əlavələrinin qəbulu saç tökülməsinə səbəb ola biləcək yüksək homosistein səviyyəsini azaldır və saçların vaxtından əvvəl ağarmasının qarşısını alır. Ət, balıq və süddə olan vitamin həm də saçların artması və sağlamlığı üçün vacib olan qırmızı qan hüceyrələrinin əmələ gəlməsinə kömək edir.
Mənbə:NTV Türkiyə
Tərcümə etdi:Fidan Fərmanlı
