FETÖ, “Fətullahçı Terror Təşkilatı” qısaltmasıdır və Türkiyədə Fətullah Gülənin rəhbərliyi ilə yaradılan, dini və ideoloji əsaslara dayanan bir təşkilatı ifadə edir. Bu təşkilat xüsusilə təhsil, media, biznes və ictimai təşkilatlar vasitəsilə cəmiyyət üzərində təsir qazanmağı hədəfləmiş və eyni zamanda dövlət qurumlarına sızaraq gizli bir iyerarxiya qurmağı məqsəd qoymuşdur. Üzvləri müxtəlif dövlət qurumlarına yerləşərək öz daxili əmrlə idarə olunan nizamlarına görə hərəkət etmiş və bununla da dövlət içində güclərini artırmışlar.
15 iyul 2016-cı ildə baş verən çevriliş cəhdindən sonra FETÖ Türkiyədə terror təşkilatı olaraq elan edilmişdir. Bu cəhddən sonra təşkilatın məqsədi dövlətə nəzarəti ələ keçirmək kimi qiymətləndirilmiş və dövlət, FETÖ-nün məhkəmə, təhsil, təhlükəsizlik kimi sahələrdə təsirsiz hala gətirilməsi üçün genişmiqyaslı mübarizə başlatmışdır. Bu çərçivədə ölkə daxilində və xaricində əməliyyatlar keçirilmiş; FETÖ-yə bağlı olduğu hesab edilən bir çox qurum bağlanmışdır. Təşkilat, dövlətə nəzarəti ələ keçirmək strategiyası əsasında həyata keçirdiyi fəaliyyətlər səbəbilə milli təhlükəsizlik təhdidi olaraq qəbul edilir.
Mənbə: Cnn Türk, BBC
Tərcümə etdi: İbrahim Çobanlı
