Fransanın bütün zamanların ən yaxşı bombardiri Olivier Jiru, MLS -də yeni klubu LAFC ilə oynamağa hazırlaşdığı üçün bazar ertəsi beynəlxalq karyerasını bitirdiyini təsdiqlədi. Jiru turnirdən əvvəl demişdi ki, o, yalnız Fransanın Avropa çempionatında getdiyi yerə qədər gedəcək.
37 yaşlı Jiru bazar ertəsi İnstaqram səhifəsində yazıb: "Çox qorxduğum an gəldi. Fransa komandası ilə vidalaşmaq vaxtıdır".
Fransa yarımfinalda son çempion İspaniyaya 2-1 hesabı ilə məğlub olaraq geri çəkildi. Jiru Fransa üçün son oyununda ikinci hissənin əvəzedicisi oldu.
O, Fransa yığmasında 137 matçda 57 qol vurub və 2018-ci il dünya çempionatının qalibi olan komandanın üzvü olub. Jiru, LAFC ilə oynamağa imza atdıqdan sonra klub karyerasını MLS-də davam etdirəcək. Fransa, İngiltərə və İtaliyada yüksək peşəkar liqalarda 18 ildən sonra Avropanı tərk edəcək. O, 2025-ci ilə qədər müqavilə ilə AC Milan -dan LAFC-yə qoşulub.
Hücumçu 2012-18-ci illərdə "Arsenal" da 6 məhsuldar mövsüm keçirib , daha sonra isə üç il "Çelsi" və "Milan"da çıxış edib. Onun 716 klub matçında 285 qolu var. Kuboklarına "Çelsi" ilə 2021 Çempionlar Liqası daxildir. O, həmçinin 2012-ci ildə “Monpelye” ilə Fransa liqasının, 10 il sonra isə “Milan”la A Seriyasının qalibi olub.
Mənbə: ESPN
Tərcümə etdi: Məhəmməd Qasımov
