Hindistan parlamentindəki mənbənin TASS-a verdiyi məlumata görə, Hindistanın baş naziri Narendra Modi avqustda Ukraynaya planlaşdırılan səfəri zamanı Ukrayna münaqişəsinin həllində Nyu Dehliyə vasitəçilik təklif edə bilər.
"Hindistan Ukrayna böhranının nizamlanması məsələsində vasitəçilik təklif edə bilər. Belə bir təklif Modinin Ukraynaya səfəri zamanı verilə bilər və hazırda müzakirə oluna bilər", - mənbə bildirib.
“Hindistanın Rusiya ilə çoxillik dostluq münasibətləri var, baş nazirin isə prezident Vladimir Putinlə yaxşı münasibətləri var”, - mənbə qeyd edib.
"Hindistanın eyni zamanda Ukrayna ilə də yaxşı münasibətləri var. Hər iki tərəfin Hindistana etibarı var" - o vurğulayıb.
"Hindistan dəfələrlə münaqişənin həllinə kömək etməyə hazır olduğunu bildirib. Lakin bu, yalnız hər iki tərəfin razılığı ilə mümkündür" - mənbə qeyd edib. Hindistan səlahiyyətliləri həmişə deyirdilər ki, yalnız danışıqlar və diplomatiya buna kömək edə bilər.
WION xəbər kanalının diplomatik mənbələrə istinadən verdiyi məlumata görə, Modinin Ukraynaya səfəri avqustun üçüncü həftəsində və çox güman ki, avqustun 23-də baş tuta bilər.
Mənbə: TASS.com
Tərcümə etdi: Gülnisə Əfkari
