ABŞ mediası ötən gün xəbər verib ki, Çetl, ABŞ prezidentliyinə namizəd Donald Trampa sui-qəsdin qarşısını ala bilmədiyi üçün istefa verib.
"İyulun 13-də baş verənlərin dibinə varmaq üçün müstəqil araşdırma davam edir və mən onun nəticələrini qiymətləndirməyi səbirsizliklə gözləyirəm. O gün baş verənlərin bir daha təkrarlana bilməyəcəyini hamımız bilirik. İrəliləyərkən Kimə ən yaxşısını arzulayıram. və mən tezliklə yeni direktor təyin etməyi planlaşdıracağam" deyən Bayden, Məxfi Xidmətə "dövlət xidmətində ən çətin işlərdən birinin tapşırıldığını" söylədi.
Bazar ertəsi ABŞ Konqresinin Nümayəndələr Palatasının Nəzarət və Hesabatlılıq Komitəsi qarşısında çıxış edərək, 29 ildən artıqdır ki, Məxfi Xidmətdə çalışan Çetl etiraf edib ki, Trampın həyatına sui-qəsd böyük uğursuzluqdur və onun qarşısını almaq olardı. Bəzi deputatlar onu istefaya çağırıblar.
ABŞ-ın keçmiş prezidenti Donald Tramp iyulun 13-də Pensilvaniya ştatında seçki kampaniyası zamanı mitinqdə sui-qəsd cəhdindən sağ çıxıb.Güllə eks-prezidentin qulağına dəyib. Atışma nəticəsində onun tərəfdarlarından biri həlak olub. Hücum edən 20 yaşlı Tomas Metyu Kruks Məxfi Xidmət agentləri tərəfindən öldürülüb. FTB Trampın mitinqində baş verən güllələnməni mümkün daxili terror hücumu və sui-qəsd cəhdi kimi araşdırır.
Mənbə: Tass.com
Tərcümə etdi: Bənövşə Bağırova
