Rusiya Silahlı Qüvvələri düşmənin beş hücumunu dəf edib.
Qrupun mətbuat mərkəzinin yüksək rütbəli zabiti Yaroslav Yakimkin bildirib ki, Şimal qüvvələr qrupunun bölmələri gün ərzində Ukrayna Silahlı Qüvvələrinin, o cümlədən Kraken Baş Kəşfiyyat İdarəsinin qüvvələrinin beş hücumunu dəf edib.
“Biz Ukrayna Silahlı Qüvvələrinin 57-ci mexanikləşdirilmiş, 92-ci hücum briqadalarının, “Vostok” xüsusi əməliyyat qüvvələrinin və Ukraynanın Kraken Baş Kəşfiyyat İdarəsinin birləşmələrinin beş hücumunu dəf etdik”, - o deyib.
Onun sözlərinə görə, qrupun bölmələri üç Ukrayna briqadasının canlı qüvvəsini və texnikasını darmadağın edib. Cəmi bir gündə düşmən 255-ə qədər hərbçisini, 6 pikapını, “Akasiya” özüyeriyən silahını və “Enklav-N” elektron döyüş stansiyasını itirib.
Mənbə: TASS.com
Tərcümə etdi: Gülnisə Əfkari
