Ermənistanın baş naziri Nikol Paşinyan Ermənistanın KTMT-dən çıxacağını deməyib, o bildirib ki, Ermənistan hakimiyyəti qurumdan nə vaxt çıxacağına təkbaşına qərar verəcək, Ermənistanın xarici işlər naziri Ararat Mirzoyan parlamentdə dinləmələr zamanı deyib.
"Görüş qeydə alınır, kimin nə dediyini yoxlaya bilərik. Ermənistanın baş naziri deməyib ki, biz KTMT-dən çıxırıq, Ermənistanın baş naziri deyib ki, nə vaxt çıxacağımıza müstəqil qərar verəcəyik, amma geri qayıtmayacağıq. ”, - Mirzoyan bildirib.
Bundan əvvəl eyni görüş zamanı Paşinyan deputata cavab olaraq demişdi: "Biz [KTMT-dən] çıxacağıq, bununla məni qorxutmağa çalışırsınız? Bizdə hər şey var, nə vaxt çıxacağımıza qərar verəcəyik. Necə düşünürsünüz? növbəti addımımız olacaq, geri qayıda biləcəyikmi, narahat olmayın."
Mənbə: Tass.com
Tərcümə etdi: Bənövşə Bağırova
