Oruc nədir?
Oruc müsəlmanların il ərzində 1 ay imsak vaxtından iftara qədər bütün gün yemək və içməkdən çəkindiyi dini ibadətdir.
Orucun dini bir əməl olması ilə yanaşı, tibb dünyası tərəfindən də qəbul edilən sağlamlıq faydaları var.
Oruc tutmağın əsas faydaları çəki itkisini dəstəkləmək, immun sistemini yaxşılaşdırmaq və bədəndə iltihabı azaltmaqdır. Orucun faydalarını daha da genişləndirmək mümkündür.
Faydalarının yanında oruc tutmaq bəzi risk qrupları üçün nəzərə alınması lazım olan bir məqamdır. Xüsusilə şəkərli diabet xəstələrinin həssaslıqla yanaşması lazım olan bir məsələ olan oruc, həkim nəzarətində olmalıdır.
Orucun faydaları nələrdir?
Orucun əsas faydalarını aşağıdakı kimi sıralamaq olar:
Yağ yandırmasını sürətləndirərək arıqlamağa kömək edir
Qanda yağ, xolesterin və digər növ lipidlərin azalmasına kömək edir
Oruc oksidləşdirici stressi azaldır və immuniteti gücləndirir
Detoksifikasiyanı artıraraq zərərli toksinlərdən təmizlənməni dəstəkləyir
Qaraciyər funksiyasını yaxşılaşdıra bilər
Orqanizmdə iltihabı azaldır
Mədə və bağırsaqları sakitləşdirərək detoks effektinə malikdir
Qan şəkərini aşağı salır
Oruc tutmaq zehni funksiyaları yaxşılaşdırır
Dərini canlandırır və gücləndirir
Oruc ürək sağlamlığını qoruyur
Böyümə hormonunun ifrazını artırır
Oruc tutmaq insanın iradə mexanizmini gücləndirir
Psixoloji rahatlıq təmin edir
Orucun zərəri varmı?
Faydaları ilə yanaşı, orucun xüsusilə bəzi risk qrupları üçün mümkün yan təsirləri var. Orqanizm uzun müddət ac qalacağı üçün qanda şəkərin azalması, susuzluqdan sonra böyrək funksiyalarında dəyişikliklər və bəzi həzm sistemində pozğunluqlar baş verə bilər. Buna görə də, müəyyən risk qrupları mümkün zərərə görə diqqətli davranmalıdırlar.
Kimlər oruc tuta bilməz?
Şəkər xəstələrinə, ürək xəstəliyi olanlara, immuniteti və bədən müqaviməti zəif olanlara, yeni əməliyyat keçirmiş şəxslərə, uşaq gözləyən və süd verən analara oruc tutması tövsiyə edilmir. Bunlardan başqa digər xroniki xəstəlikləri və ya hər hansı sağlamlıq problemi olan insanlar da oruc tutmaq üçün həkimlərinə müraciət etməlidirlər.
Mənbə: Memorial Sağlık Grubu
Tərcümə etdi: Aminə Paşazadə