Rus suprematist rəssamı Kazimir Maleviç 1878-ci ildə Kiyevdə anadan olub. Malevich Kiyev Rəssamlıq Məktəbində, Moskvadakı Stroganov məktəbində və Moskva Rəssamlıq, Heykəltəraşlıq və Memarlıq Məktəbində təhsil almışdır. Onun ilk əsərləri impressionizmin, eləcə də simvolizm və fovizmin təsirini göstərir. 1896-1904-cü illərdə Kurskda yaşayırdı. 1904-cü ildə atasının ölümündən sonra Moskvaya köçdü. 1904-1910-cu illərdə Moskva Rəssamlıq, Heykəltəraşlıq və Memarlıq Məktəbində və Moskvadakı Fyodor Rerberqin emalatxanasında oxudu. 1911-ci ildə Vladimir Tatlin ilə birlikdə Sankt-Peterburqdakı “Gənclər Birliyi” (Gənclər Birliyi) qrupunun ikinci sərgisində iştirak etdi.
Ancaq 1912-ci ildə Parisə getdikdən sonra Picasso və kubizmdən
təsirləndi. Bir müddət Diamonds qrupunun üzvü olaraq rus kubist hərəkatına rəhbərlik
etdi. 1913-cü ildə Maleviçin səhnələşdirdiyi “Kuba Futuristik günəşinin zəfəri”
operası böyük uğur qazandı. 1914-cü ildə Parisdəki müstəqil salonda Aeksander
Arkhipenko, Sonia Delaunay, Aleksandra Exter və Vadim Meller ilə birlikdə əsərlərini
sərgilədi.
1915-ci ildə Maleviç Suprematizm adlandırdığı üslubda mücərrəd həndəsi naxışlar yaratmağa başladı. Bu konsepsiya rəng, xətt və formanın sənətdə mövzu və ya povestdən daha vacib olduğu fikrinə əsaslanır. Maleviç mücərrəd həndəsi elementlərdən ibarət rəsmləri nümayiş etdirən ilk şəxs idi. Sənətdəki bütün sentimentallığı və simvolizmi rədd edərək davamlı olaraq təmiz beyin kompozisiyaları yaratmağa çalışdı. İlk Suprematizm nümunələrini 1915-ci ildə Moskvadakı Tretyakov Qalereyasında, Petroqradda (Sankt-Peterburq) və futuristlərin son sərgisində nümayiş etdirdi.
1919-1921-ci illərdə təhsilini davam etdirdi və ömrünün sonuna qədər yaşadığı Moskva və Leninqradda tələbələrə dərs verdi. Almaniyanın Dessau şəhərindəki Bauhausa səfəri zamanı (1927) Vasili Kandinsky ilə tanış oldu. Nəzəriyyəsi haqqında Die gegenstandslose Velt (“obyektsiz Dünya”) adlı bir kitab nəşr etdirdi.
Rusiyada Oktyabr inqilabından sonra bir müddət müxtəlif akademiyalarda və təşkilatlarda çalışdı. Ancaq Sovet siyasətçiləri Lenin və Trotskidən sonrakı dövrdə müasir sənətə qarşı çıxdıqda, Maleviç və sənəti qınandı. Yoxsul və unudulmuş şəkildə öldü.
Mənbə: istanbulsanatevi
Tərcümə etdi: Aysu Əsədova
