Məktəbin ilk günü həm tələbələr, həm də müəllimlər üçün stresli ola bilər. Xüsusilə, yeni bir siniflə tanış olmaq, tələbələrlə ünsiyyət qurmaq və onların öyrənmə motivasiyasını artırmaq üçün ilk gündə hərəkətə keçmək lazım ola bilər. Tələbələrlə ünsiyyət qurduqca ilk günün stresi xoş anlarla əvəzlənəcək. Bundan əlavə, bu mühüm gün müəllimlərə yeni qiymətləndirmələr və planlar qurmaq şansı verir. Müəllimlərin tələbələrin adlarını öyrənməsi və onlarla əlaqə qurması bir neçə həftə çəkə bilər, xüsusən də onlar yeni siniflə dərs deməyə başladıqda. Bu prosesi düzgün planlaşdırma, sağlam düşüncə və ünsiyyətlə zövqlü etmək mümkündür. Şagirdlər ən azı bir dərs ilini kiminlə keçirəcəklərini düşünürlər. Buna görə də, ilk gün üçün qısa bir çıxış hazırlaya bilərsiniz. Uşaqlarınız və ya ev heyvanlarınız varsa, onları qeyd edə bilərsiniz. Bu söhbət tələbələrinizin narahatlığını azaldacaq və sizinlə əlaqə qurmalarını asanlaşdıracaq. Dərsin ilk günü tələbələrə özünüzü tanıtmaq üçün ilk fürsətdir. Özünüzü təqdim etdikdən sonra onlara öyrənmə prosesinə hansı töhfə verəcəyini gözlədiyinizi deyə bilərsiniz. Məktəbin ilk günündə müəllimlə söhbət etmək üçün bəzi məsləhətlər:Şəxsi tərcümeyi-halı: Təhsil keçmişiniz, hobbiniz, idman və əyləncə kimi maraqlarınız, nə qədər müddətdir tələbələrinizə dərs dediyiniz kimi məlumatları ötürə bilərsiniz. Təhsil Bioqrafiyası: Seçdiyiniz sahədə necə ixtisaslaşdığınız, xüsusi təcrübə sahələriniz, cari layihələriniz və planlarınız haqqında danışa bilərsiniz. Sizin tədris məlumatınız: Siz nə qədər müddətdir dərs dediyiniz, tələbələrinizdən nə öyrəndiyiniz və onlara nə öyrətməyi ümid etdiyiniz kimi mövzulara toxuna bilərsiniz. Bu məlumatlardan hansının paylaşılacağına qərar verərkən siz qabaqcadan düşünə və tələbələrinizin nəyi bilmək istəyəcəyini və özünüz haqqında nə qədər açıqlamaq istədiyinizi əvvəlcədən planlaşdıra bilərsiniz. Şagirdləriniz sizi tanıdıqca bütün diqqətləri sizin üzərinizdə olacaq. Özünüzü izah etdikdən sonra tələbələrinizə danışmaq hüququ verməklə onları tanımağa başlaya bilərsiniz. Siz tədrisə başlamazdan əvvəl tələbələriniz artıq sizin haqqınızda bəzi qərarlar vermiş olacaqlar. Buna görə də ilk təəssüratı necə idarə edəcəyinizi başa düşmək vacibdir. Siz tələbələrə semestr ərzində lazım ola biləcək alətlər/avadanlıqlar, elektron resurslar və kitablar kimi materialları necə əldə edə biləcəklərini izah edə bilərsiniz. Dərs saatları üçün gözləntilər: Şagirdlərinizi dərslərdə özləri ilə hansı kitab və materialları götürmələri barədə məlumatlandırmaq üçün plan qura bilərsiniz. Dərsdənkənar vaxtlar üçün gözləntilər: Siz tələbələrə dərsə hazırlaşmaq üçün nə lazım olacaqları barədə sinifdən kənarda istiqamət verə bilərsiniz. Siz oxumaq, yazmaq və ya qruplarda işləmək barədə məlumat verməklə onlara proqramlarını təşkil etməkdə kömək edə bilərsiniz. Yay tətilindən tədris ilinə keçid tələbələr üçün çətin prosesdir. Bu prosesdə vaxt və planlaşdırma ilə bağlı qarışıqlıq ola bilər. Vizual baxımdan zəngin kurrikulumun hazırlanması və yayılması tələbələrin tədris ilinə daha asan uyğunlaşmasına kömək edə bilər. Qrup təlimləri təşkil edə bilərsiniz: Kurrikuluma uyğun planlaşdıracağınız fəaliyyətlərə ilk gündən başlayaraq tələbələrin bir-birləri ilə əlaqələrini gücləndirə bilərsiniz. Məsələn, qrup dərslərinin intensiv olacağı bir il olacaqsa, ilk gündən tələbələrinizi prosesə daxil edib, onların ideyalarına uyğun olaraq qruplara ayıra bilərsiniz.
Mənbə:egitim.com
Tərcümə etdi:Sayad Qoşnalıyeva
