Hər kəsin paltar yumaq ilə bağlı şəxsi fikirləri və texnikaları var. Amma bu 15 maddəyə də nəzər salmağınızı məsləhət görürük.
Paltarlarınızı təmiz və gözəl saxlamaq üçün etməli olduğunuz ilk şey onları düzgün yumağı öyrənməkdir. Bu proses zamanı sevimli paltarlarımızı məhv edən 15 ümumi səhvi təqdim edirik:
1. Yanlış qruplaşdırma
Rənglərlə yanaşı, parça növünə də diqqət yetirmək lazımdır. Məsələn, yun paltarlar ayrıca yuyulmalıdır. Dəsmalları isə sintetik paltarlarla qarışdırmaq olmaz.
2. Səhv üsullarla ləkələrin çıxarılması
Ləkələri vəhşicəsinə ovmaq həvəskarısınızsa, parçada yeni bir dəlik görəndə təəccüblənməyin. Onları yumşaq bir şəkildə yumaq lazımdır. Bundan qorunmağın ən yaxşı yolu ləkənin üzərinə ağ parça qoymaq və onu islatmaqdır.
3. Çox camaşır yuyucu tozdan istifadə
Bu hərəkət nəticəsində çoxlu köpük yığılır. Nəticədə köynəyin yaxası kimi yerlərdə kir yığılır. Paltarınızın daha çox çirklənməsini istəmirsiniz, elə deyilmi?
4. Zəncirbəndlərə fikir verməmək
Paltar yuyulmadan əvvəl zəncirbəndlər sona qədər çəkilməlidir. Əks halda, zəncirbəndin dişləri digər paltarları asanlıqla zədələyə bilər.
5. Çox ağardıcı istifadə
Ağardıcı parçaların dayanıqlığını azaldır. Onların asanlıqla qopmasına səbəb olur. Buna görə də qaynatmaq üsulu daha faydalıdır. Bunu böyük bir qazan və bir neçə damcı limon suyu ilə edə bilərsiniz.
6. Düymələr açılmalıdır
Köynəklərinizin düymələrini açmağı heç vaxt unutmamalısınız. Əks halda, düymələr düşə bilər.
7. Bikini paltarlarının maşında yuyulması
Heç vaxt çimərlik paltarı və bikini kimi spandeks və ya elastandan hazırlanmış paltarları paltaryuyan maşında yumamalısınız. Əl ilə soyuq suda yumaq daha yaxşıdır.
8. Paltaryuyan maşının istirahətinə icazə verilməsi
Bəzi istifadəçilər düşünür ki, paltarların dəfələrlə yuyulması maşına zərər verəcək. Əslində, onlar səhv düşünürlər. Paltaryuyan maşının fasiləsiz işləməsi elektrik enerjisini azaldır, çünki maşın əvvəlki partiyanın qalıq istiliyindən istifadə edir.
9. Yastıq və yorğan üçün qısa bir proqramın icrası
Əgər lələk yastıqlarınızı və ya yorğanlarınızı maşında yuyacaqsınızsa, qısa proqramı açmayın. Tüklər köpüyü tuta bilər. Yastıqlarınız isə sabunlu qalar.
10. Paltarları çeşidləmədən yumaq
Paltaryuyandan sonra ən yorucu işlərdən biri də corab axtarmaqdır. Niyə əvvəlcə corabları yumağa cəhd etmirsiniz? Nəticəni mütləq bəyənəcəksiniz.
11. Dəsmallar üçün yumuşadıcıdan istifadə
Bu kimyəvi komponentlər parçaların udma qabiliyyətini azaldır. Buna görə dəsmallarda istifadə etməsəniz, daha yaxşı olar.
12. Birdən çox paltar yumaq
Paltaryuyan maşını çox doldurmamalısınız. Çünki maşın zədələnə bilər.
13. Anorak geyimlərin yanlış üsulla yuyulması
Bu paltarların quruluşunu qorumaq üçün maşının içərisinə üç tennis topu qoyun. Onlar, həmçinin köpükdən qurtulmağa kömək edəcəklər.
14. Çox bahalı bir yuyucu vasitənin istifadəsi
İstifadə etdiyimiz yuyucu vasitələrin çoxunun ucuz əvəzediciləri var. Məsələn, duz paltarları parlaq edir, təbaşir ləkələri çıxarmağa kömək edir. Paltar sabunu ağardır və ləkələri yox edir. Limon suyu paltarları daha yumşaq və ətirli edə bilir.
15. Paltaryuyan maşına diqqət yetirin
Paltaryuyan maşına qulluq etmək çox vacibdir. Unutmayın ki, bir çox maşınlarda yuyucu toz bölməsi portativdir. Xüsusi diqqətli olmalısınız, çünki içəridə yuyucu vasitə qalıqları ola bilər. Maşınınızı ildə bir dəfə sirkə ilə işlədin. Bu yolla nasazlığın qarşısını ala bilərsiniz.
Mənbə: Habertürk
Tərcümə etdi: Samirə İsmayılova
