Nyu-Yorkun “NYMEX” əmtəə birjasında keçirilən ticarət əməliyyatları zamanı təbii qazın qiymətində artım qeydə alınıb.
24Media.az xəbər verir ki, 2026-cı ilin yanvar ayında çatdırılma şərti ilə təbii qaza dair fyuçers müqavilələrinin qiyməti 1,43 faiz yüksələrək 1 milyon BTU üçün 4,04 ABŞ dolları səviyyəsinə çatıb.
Bazarlardakı bu bahalaşma mövsümi amillər, xüsusilə qış aylarında artan tələbat, eləcə də ABŞ-da qaz ehtiyatları ilə bağlı gözləntilərlə əlaqələndirilir. Analitiklərin fikrincə, hava şəraitinin sərtləşməsi və enerji bazarlarında qeyri-müəyyənlik təbii qaz qiymətlərinə əlavə təzyiq göstərməkdə davam edir.
Qeyd edək ki, BTU (British thermal unit) enerji ölçü vahidi olaraq beynəlxalq enerji bazarlarında geniş istifadə olunur və təbii qaz ticarətində əsas göstəricilərdən hesab edilir.
Sona Osmanova
