Kilian Mbappe portuqaliyalı futbolçu Kriştiano Ronaldonun "Real Madrid"də bir ildə vurduğu qolların sayına çatıb. Mbappe İspaniya çempionatında "Sevilya" üzərində evdə 2-0 hesablı qələbə qazandıqları oyunda qol vurub. Fransız hücumçusu 2025-ci ildə 59-cu qolunu vurub. Ronaldo da eyni göstəriciyə 2013-cü ildə çatıb.
20 dekabrda 27 yaşına qədəm qoyan hücumçu 2024-cü ildə "Real Madrid" ilə pulsuz transfer müqaviləsi imzalayıb. Mbappe 2018-ci ildən 2024-cü ilə qədər PSJ-də oynayıb və klubun bütün zamanların ən çox qol vuran oyunçusudur. Komanda ilə 5 Fransa çempionluğu, 3 Fransa Kuboku və Super Kuboku, 2 Liqa Kuboku qazanıb. Fransa milli komandası ilə Mbappe 2018-ci ildə Rusiyada keçirilən Dünya Kubokunu və 2022-ci ildə Qətərdə keçirilən Dünya Kubokunda gümüş medal qazanıb.
Mənbə: Тасс.ру
Tərcümə etdi: Zeynəb Şahmarova
