Çempionlar Liqasında “Ayntraxt” üzərindəki möhtəşəm qələbədən sonra Hansi Flikin komandası bir günlük fasilədən sonra yenidən məşqlərə başlayıb. Komanda La Liqanın növbəti turunda Osasuna ilə keçiriləcək oyuna hazırlaşır.
2025-ci ildə evdəki son matç öncəsi keçirilən məşqə bütün əsas futbolçularla yanaşı “Barça Atletik”dən Jofre, Dro və Tommi də qatılıb. Qarşıdakı iki səfər oyunu - “Qvadalaxara” ilə İspaniya Kuboku matçı və “Vilyareal”la La Liqa qarşılaşması öncəsi komanda ideal formaya düşməyə çalışır.
“Barselona” - “Osasuna” oyunu 13 dekabr, şənbə günü saat 18:30-da baş tutacaq. Son məşq və baş məşqçi Flikin mətbuat konfransı isə cümə günü keçiriləcək.
Mənbə: FC Barcelona
Tərcümə etdi: Nazim Xeyrxəbərli
