Braziliya millisinin baş məşqçisi Karlo Ançelotti bildirib ki, Vinisius Junior yalnız tam formada olacağı təqdirdə 2026 Dünya Çempionatının heyətinə daxil ediləcək. İtaliyalı mütəxəssis Esporte Record-a verdiyi müsahibədə hər bir oyunçudan 100% hazır olmağı tələb etdiyini deyib.
“Hər kəsə eyni yanaşıram. Neymar da, Vinisius da fərq etmir. Əgər Vinisius 90% hazırdırsa, onu yox, 100% formada olan başqa oyunçunu çağıracam. Xüsusilə hücumda çox sayda yüksək səviyyəli oyunçularımız var,” - deyə o vurğulayıb.
Qeyd edək ki, Vini Jr bu ilin iyununda Paraqvaya qarşı oyunda yeganə qolu vuraraq Braziliyanın 2026 Dünya Çempionatına vəsiqə qazanmasına kömək edib. Braziliya martın 23–31-i aralığında Boston şəhərində Fransaya qarşı yoxlama oyunu keçirəcək.
Mənbə: Reuters
Tərcümə etdi: Mələk Nəsirli
