2026-cı il dünya çempionatının seçmə mərhələsinin E qrupunda keçiriləcək son qarşılaşma – İspaniya–Türkiyə oyununun hakim təyinatları açıqlanıb. Türkiyə Futbol Federasiyasının məlumatına görə, vacib görüşü almaniyalı FIFA referisi Feliks Zwayer idarə edəcək.
Sevilyada yerləşən La Cartuja stadionunda saat 22:45-də start götürəcək matçda Zwayerə həmvətənləri Robert Kempter və Kristian Dits köməkçi olacaq. Qarşılaşmanın dördüncü hakimi isə Sven Yablonski olacaq.
Ay-ulduzlu komanda üçün bu oyun xüsusi əhəmiyyət daşıyır. Türkiyə rəqibi 7 fərqlə məğlub etdiyi halda, E qrupunu lider kimi tamamlayaraq dünya çempionatına birbaşa vəsiqə qazanacaq. Komanda ikinci yerdə qərarlaşarsa, mübarizəni pley-off mərhələsində davam etdirəcək.
https://www.haberler.com/spor/ispanya-turkiye-macini-alman-hakem-felix-zwayer-19258684-haberi/
Mənbə: Haberler
Tərcümə etdi: Ömər Cəfərov
