Xüsusilə, yay aylarında ortaya çıxan ağcaqanadlar kiçik və qısa ömürlü növlər olsalar da, bir çox kiçik və ya böyük problemlər yarada bilirlər. Bəs ağcaqanad dişləməsindən irəli gələn qaşınma nədir, necə keçir?
İnsandan insana fərqli olan ağcaqanad dişləmələrinin təsiri bəzən uzun müddət davam edə bilir. Ağcaqanad dişləmələri çox nadir hallarda ciddi allergik reaksiyalara səbəb olur. Bu allergik reaksiyalarda tənəffüs çətinliyi, bütün bədəndə səpgilər, boğazda qapanmağa başlama hissi kimi əlamətlər müşahidə olunarsa, ən qısa müddətdə təcili yardıma müraciət edilməlidir.
Ağcaqanad dişləmələri üçün apteklərdən alınan dərmanlarla yanaşı, evdə tapılan materiallardan da təbii məhlullar hazırlana bilər. Xüsusilə, izopropil və ya etanol tipli spirtlər buxarlanarkən yaratdığı soyutma effekti sayəsində ağcaqanad qaşınmasını aradan qaldırır.
Mənbə: NTV Haber
Tərcümə etdi: Lumu Zülfüqarova
