ABŞ prezidenti Donald Trampın bu həftə Körfəz ölkələrinə səfəri zamanı əsas diqqət ABŞ iqtisadiyyatı üçün əhəmiyyətli yeni investisiyaların təmin edilməsinə yönələcək.
Yaxın Şərq İnstitutunun analitik mərkəzinin baş əməkdaşı, iqtisadçı Karen Yanq deyir: “Prezident Tramp ABŞ üçün daha çox Körfəz pulu elan edilməsini istəyir”.
“O, görüş zamanı bu investisiyaların hansı sahələrə yönələcəyini göstərən böyük bir poster təqdim etmək istəyir. Eləcə də bu investisiyaların Amerika iqtisadiyyatında iş yerlərinin yaradılmasına və yerli istehsala necə təkan verə biləcəyinə dair bəzi proqnozlar irəli sürmək niyyətindədir".
Tramp ölkənin faktiki lideri olan vəliəhd şahzadə Məhəmməd bin Salmanla görüşmək məqsədilə mayın 13-də Səudiyyə Ərəbistanının paytaxtı Ər-Riyada gəlməlidir.
Daha sonra Trampın mayın 14-də şəhərdə keçiriləcək Körfəz liderlərinin zirvə toplantısında iştirak edəcəyi, həmin gün Qətərə gedəcəyi və daha sonra Birləşmiş Ərəb Əmirliklərinə (BƏƏ) üç günlük səfərini mayın 15-də başa vuracağı gözlənilir.
Bölgənin Tramp üçün iqtisadi əhəmiyyəti Səudiyyə Ərəbistanına səfərinin onun Ağ Evdəki 2-ci müddətində ilk xarici səfəri olması ilə bir daha diqqətə çatdırılır. Bu, Papa Fransiskin ölümündən əvvəl Trampın aprelin sonunda Romada onun dəfn mərasimində iştirak etməsini tələb edib.
Səudiyyə Ərəbistanı həm də Trampın ilk prezidentlik müddətində ABŞ prezidentlərinin adətən Böyük Britaniya, Kanada və ya Meksikaya etdikləri ilk xarici səfər təcrübəsinə zidd gedən ilk ölkə olub.
Mənbə: BBC news
Tərcümə etdi: Gülçin Abdullayeva
