ABŞ prezidenti Donald Tramp İngiltərə ilə ticarət müqaviləsi bağlayıb, Trampın əvvəlcə ticarət müharibəsi elan etdiyi, sonra isə güzəştləri müzakirə etmək üçün üç aylıq fasilə verdiyi onlarla ölkədən birincisidir.
Tramp sazişi “tam və hərtərəfli” adlandırıb, lakin iqtisadçılar və ekspertlər xəbərdarlıq edirlər ki, bu, sadəcə olaraq şəxsən onunla sürətli sövdələşmədir və ölkələr arasında ticarət sazişi deyil – belə sənədlər illər ərzində razılaşdırılır və parlamentlər tərəfindən təsdiqlənir.
Onlar Trampın həqiqətən də hərtərəfli ticarət bloklarını yırtmaq bacarığına malik olduğunu, cümə axşamı elan edilən razılaşmanın iqtisadi və ticarətdən daha simvolik və siyasi olduğunu vurğulayırlar.
“Tam və hərtərəfli razılaşma ABŞ və Böyük Britaniya arasındakı münasibətləri gələcək illər üçün gücləndirəcək”, - Tramp sosial media hesabında yazıb.
"Bundan sonra daha çox sövdələşmələr olacaq" deyə bildirib.
Müqavilənin təfərrüatları azdır. Tramp Britaniya avtomobillərinə tətbiq edilən rüsumları 27,5%-dən 10%-ə endirəcəyini və polad və alüminium tariflərini ləğv edəcəyini vəd edib.
Böyük Britaniyanın baş naziri Keir Starmer müqaviləni "fantastik" və "tarixi" adlandırıb, lakin Britaniyanın Trampın hakimiyyətə gəlməsindən əvvəl daha yaxşı şərtlərlə danışıqlar aparıb-yaratmadığına dair suala cavab verməkdən yayınıb.
Müxalifətdəki Mühafizəkarlar yeni razılaşmalara baxmayaraq, şərtlərin fevral ayından daha pis olacağını bildiriblər.
İdxal rüsumları amerikalılar tərəfindən ödəniləcək, lakin onlar Britaniya mallarını bahalaşdıracaq və buna görə də onlara tələbatı azaldacaqlar. Tramp hesab edir ki, bu, Amerika sənayesini canlandıracaq, büdcə gəlirlərini artıracaq və ABŞ-ın ticarət kəsirini azaldacaq. İqtisadçılar onun ticarət müharibəsinin həm Amerika, həm də qlobal iqtisadiyyatı sarsıdacağı barədə xəbərdarlıq edirlər.
ECIPE tədqiqat mərkəzinin eksperti, Trampın ilk dövründə ABŞ-la ticarət danışıqlarında Britaniyanı təmsil edən Devid Heniq xəbərdarlıq edir ki, “sövdələşmələrin” əsas riski Trampın özüdür.
"Trampla istənilən razılaşma risklidir" deyə yazır. “Tramp sabah fikrini dəyişə bilər”.
Mənbə: bbc
Tərcümə etdi: Fatimə Umarbəy
