Ağ Evin nümayəndəsi Steve Witkoff Qəzzadakı kövrək atəşkəsin uzadılmasına dair İsrail və HƏMAS arasında dolayı danışıqlara qoşulmaq üçün Qətərdədir.
Bu həftə hər iki tərəfin müzakirəçiləri prezident Donald Trampın yanvarın 20-də vəzifəyə başlamasından bəri ilk dəfə vasitəçilərlə görüşməyə başlayıblar. Qəzza razılaşmasının və müvəqqəti atəşkəsin 42 günlük birinci mərhələsi onun andiçmə mərasimi ərəfəsində qüvvəyə minib.
Bu birinci mərhələ, nəticədə HƏMAS-ın İsrail tərəfindən saxlanılan 1800-ə yaxın fələstinli məhbusun müqabilində 25 yaşayan israilli girovu və daha səkkiz nəfərin qalıqlarını, habelə beş yaşayan Taylandlı girovu geri qaytarması ilə nəticələndi. Martın 1-də başa çatdı.
İsrail indi ABŞ-nin hələ də saxlanılan girovların təxminən yarısının azad edilməsi ilə başlayacaq iki aylıq atəşkəsin uzadılması planını irəli sürə biləcəyinə ümid edir.
HƏMAS indiyədək bunu rədd edərək, ilkin atəşkəs razılaşmasının ikinci mərhələsi üzrə dərhal danışıqların aparılmasını tələb edib və bu, müharibəyə son qoyacaq və İsrail qoşunlarının tam çıxarılmasına gətirib çıxaracaq.
Bununla belə, o, Dohada davam edən müzakirələrə “tam məsuliyyət və pozitivliklə” yanaşdığını bildirib.
Mənbə: BBC news
Tərcümə etdi: Ayxan Cəfərov
