Fransa prezidenti Emmanuel Makron qitənin "tarixin dönüş nöqtəsində" olduğunu xəbərdar etdiyi üçün Avropa liderləri cümə axşamı günü Brüsseldə xüsusi müdafiə şurası üçün toplanır.
Yenidən silahlanma ilə yanaşı, liderlərin bazar ertəsi ABŞ prezidenti Donald Trampın Ukraynaya yardımı dayandıracağı ilə bağlı açıqlaması fonunda Aİ-nin Kiyevə daha necə dəstək verə biləcəyini müzakirə edəcəyi gözlənilir. Sammitə Ukrayna prezidenti Vladimir Zelenski dəvət olunub.
Keçən həftə Tramp və Zelenskinin Ağ Evdə qarşıdurmasından sonra bütün Avropada əsəblər getdikcə daha da gərginləşib və cümə axşamı günü keçirilən sammit ətrafında ritorika Aİ rəsmilərinin buna verdiyi əhəmiyyətə heç bir şübhə yaratmır.
Rusiyanın Ukraynaya genişmiqyaslı işğalından üç il ötür, Tramp administrasiyasının Rusiya prezidenti Vladimir Putinə təklifləri Avropada bir çoxlarını qitənin təhlükəsizliyi üçün ABŞ dəstəyinə arxalana bilməyəcəyindən narahat edir.
Çərşənbə günü Vaşinqtonun Ukrayna ilə kəşfiyyat məlumatlarının mübadiləsini dayandırmaq qərarı bu narahatlıqları aradan qaldıra bilməyib.
Mənbə: BBC News
Tərcümə etdi: Ayxan Cəfərov
