Dietoloq Jona Burdeos xiyarın nəfəsi təravətli saxlamağa kömək etdiyini söylədi. Mütəxəssis “Eat This, Not That” nəşrinə müsahibəsində bu tərəvəzin gözlənilməz faydalı xüsusiyyətini açıqlayıb.
Burdeos qeyd edib ki, xiyar polifenollar və flavonoidlər kimi fitokimyəvi maddələri ehtiva etdiyi üçün ağız qoxusundan xilas olmağa kömək edir. Bu birləşmələr antioksidan xüsusiyyətlərə malikdir və ağızda qoxuya səbəb olan bakteriyaları azaltmağa kömək edir.
Bundan əlavə, xiyar yüksək su tərkibinə görə qoxunu aradan qaldırır, Burdeos deyir: “Susuz qaldıqda ağızda daha az tüpürcək əmələ gəlir, bu da ağız qoxusuna səbəb ola bilər. Xiyar yemək bakteriyaların yuyulmasına kömək edir”.
Bundan əlavə, dietoloq xiyarın əla pəhriz məhsulu olduğunu qeyd edib. Tərəvəz bir porsiyada cəmi 16 kilokalori olmasına baxmayaraq, aclığı yaxşı qarşılayır.
Mənbə: Lenta.ru
Tərcümə etdi: Günel Məmmədova
