Samsung-un qatlanan telefon seriyasını yaxından izləyənlər artıq Galaxy Z Fold Special Edition modelindən xəbərdardırlar. Bu cihaz keçən il Cənubi Koreyada məhdud sayda təqdim olunmuşdu. İndi isə yayılan şayiələrə görə, Samsung-un bu il təqdim edəcəyi Galaxy Z Fold 7 modeli məhz həmin xüsusi buraxılışın qlobal versiyası olacaq.
Daha Böyük Ekran və 200MP Kamera
Məlumata görə, Galaxy Z Fold 7 8 düymlük daxili və 6.5 düymlük xarici ekranla gələcək. Bu, Galaxy Z Fold 6-dakı 7.6 və 6.3 düymlük panellərlə müqayisədə daha böyük ölçüdür. Bundan əlavə, yeni model 200MP əsas kameraya sahib olacaq ki, bu da Galaxy S25 Ultra ilə eyni səviyyədədir.
S Pen Dəstəyi Olmaya Bilər
İncə dizayna nail olmaq üçün Samsung-un Special Edition modelində S Pen üçün digitizer qatını çıxardığı bildirilir. Eyni addımın Galaxy Z Fold 7-də də tətbiq oluna biləcəyi söylənilir ki, bu da S Pen dəstəyinin olmayacağı anlamına gələ bilər.
Digər təkmilləşdirmələr
Yeni modelin daha güclü xüsusiyyətlərə sahib olacağı da gözlənilir:
Böyük buxar kamerası (soyutmanı yaxşılaşdırmaq üçün)
Daha sürətli çip (Snapdragon 8 Elite və ya Exynos 2500 ola bilər)
Təkmilləşdirilmiş dinamiklər
Bundan əlavə, 2600 nit pik parlaqlığa malik ekran və AI əsaslı ProScaler funksiyası ilə daha keyfiyyətli görüntü təqdim edə bilər.
Galaxy Z Fold 7-nin 2025-ci ilin ikinci yarısında təqdim olunması gözlənilir. Lakin rəsmi məlumatlar açıqlanana qədər yayılan şayiələrin nə dərəcədə doğru olduğunu zaman göstərəcək.
Mənbə :Opera News
Tərcümə edən: Fatimə Cabbarlı
