Neolit sümüklərinin təhlili göstərir ki, tauna səbəb olan Yersinia pestis bakteriyası pandemiya deyil, təcrid olunmuş infeksiyalara səbəb olur.
Yeni araşdırmanın aparıcı müəllifi Dr. Ben Krause-Kyora deyir: "Bizim təhlilimiz epidemiyalardan çox təcrid olunmuş infeksiyalara işarə edir". Tədqiqat üçün komanda Şimali Reyn-Vestfaliyada Warburq yaxınlığında tapılan son Neolit dövrünə aid meqalit qəbirlərdən 133 insan fərdlərinin sümüklərini genetik olaraq təhlil edib. Bu qəbirlər təxminən 5500-4800 il əvvələ aiddir və Wartberg mədəniyyəti adlanan mədəniyyətə aiddir.
Komanda iki nəfərin sümük nümunələrində epidemiyaya səbəb olan bakteriya Yersinia pestisin genomunu aşkar edib. Bakteriyalar müxtəlif idi. Yoluxmuş şəxslər bir-biri ilə qohum deyildilər, müxtəlif dövrlərdə yaşayıblar və ayrı-ayrı meqalit qəbirlərdə basdırılıblar. Bu, infeksiyaların müstəqil hadisələr olduğunu və iki insan arasında birbaşa ötürülmə olmadığını göstərir. Bu tapıntılar və tədqiq edilən 133 şəxs arasında vəba hadisələrinin az olması meqalitik tikililərin kütləvi vəba epidemiyası qurbanlarının kütləvi məzarlığı olmadığını göstərir. Yersinia pestisin erkən formalarının orta əsrlərdəki kimi şiddətli simptomlara səbəb olub-olmadığı hələ də məlum deyil.
Mənbə: Arkeofili
Tərcümə etdi: Fatimə Şükürova
