Türk qəhvəsi əsrlər boyu mədəniyyətimizin ayrılmaz hissəsi olmuşdur. İncə üyüdülmüş qəhvə dənələri ilə hazırlanan bu acı və dadlı içki xoş söhbətlər üçün mütləqdir. Bununla belə, türk qəhvəsi populyarlığını qoruduğu halda, müxtəlif qəhvə mədəniyyətlərinə maraq sürətlə artır. Ənənəvi dadlardan əlavə, qəhvə həvəskarları daha qeyri-adi aromalar və bişirmə üsullarını araşdırırlar.
Miksologiya təkcə içkiləri qarışdırmaq deyil, həm də içkilərin dadını, qoxusunu, görünüşünü və təqdimatını hərtərəfli nəzərə almaqdan ibarətdir. Miksologiya müəyyən prinsiplər və qastronomiya texnikaları ilə birləşərək müştəriyə təcrübə təklif etmək üçün elm, sənət və ustalıq deməkdir.
Miksologiyanın inkişafı qastronomiyanın inkişafı ilə paraleldir. Lakin ABŞ-da spirt istehsalının və satışının qadağan edildiyi dövrdə (1920-1933) keyfiyyətsiz spirtin dadını daha dadlı etmək cəhdləri miksologiyanın inkişafına böyük töhfə verib.
1990-cı illərdən etibarən Türkiyədə beynəlxalq qəhvə zəncirlərinin yayılması müxtəlif qəhvə növlərinin və qarışıqlarının populyarlaşmasına böyük töhfə verib. Bu şəbəkələr türk istehlakçılarına latte və kapuçino kimi espresso əsaslı içkilər təqdim edir.
Türkiyədə kafe mədəniyyəti son 10-15 ildə sürətlə inkişaf edib. Xüsusilə böyük şəhərlərdə və universitet bölgələrində açılan müasir kafelər müxtəlif qəhvə qarışıqları və içkiləri təqdim edərək bu mədəniyyəti qidalandırıb. Bu kafelər qəhvə içilməsini sosial fəaliyyətə çevirərək, müxtəlif dad və təcrübələrin kəşf edilməsinə şərait yaradıb.
Mənbə: haberturk.com
Tərcümə etdi: Səmayə Qədirova
