Merkuri planeti ildə üç-dörd dəfə sosial mediada ən çox danışılan mövzulardan birinə çevrilir. Ona görə yox ki, planet haqqında yeni elmi kəşf və ya qarşıdan gələn kosmik missiya var. Əsas səbəb bu dövrlərdə bu planetin “geriyə doğru getməsi” və ya geriyə doğru getməsi nəticəsində insanların həyatında bədbəxtliklərin baş verəcəyinə inamdır.
Merkuri Günəşə ən yaxın, Günəş sistemindəki ən kiçik planetdir. Planetin öz orbitinin və Günəş sistemindəki bütün digər planetlərin orbitinin əks istiqamətində hərəkət etdiyi görünən astronomik hadisəyə də “Merkuri retroqrad” deyilir. Günəşin orbitində bütün planetlərin bir-birindən asılı olaraq müxtəlif sürətlə hərəkət etməsi nəticəsində meydana gələn bu astronomik hadisə əslində Günəş sistemindəki bütün planetlərdə müşahidə edilir. Geriləmə dövrlərində Yerdən baxanda sanki Merkuri göydə geriyə doğru hərəkət edir. Bu optik illüziya Yerin və Merkurinin Günəş ətrafında müxtəlif sürətlə fırlanmasının nəticəsidir. Merkuri orbitdə fırlanmasını Yerdən əvvəl tamamlayır və Yeri "ötdükdə" əks istiqamətdə hərəkət etdiyi görünür. Bununla belə, o, sadəcə olaraq Günəşin ətrafında fırlanmağa davam edir.
Bunu bir avtomobil yolda başqa bir avtomobilin yanından keçəndə, daha yavaş olan avtomobilin geriyə doğru hərəkət etməsi ilə müqayisə edə bilərik. Bəzi astroloqlar min illərdir müşahidə edilən bu astronomik hadisəni gündəlik həyatımıza böyük təsir göstərən bədbəxtlik və anlaşılmazlıqlarla dolu bir dövr kimi şərh edirlər.
Mənbə: BBCnews türkçe
Tərcümə etdi: Uğur Hacıyev
