"Easy On Me", "Hello", "Someone Like You" və "Rolling in Deep" hitləri ilə tanınan britaniyalı müğənni Adel musiqi karyerasına nə vaxt ara verəcəyini açıqlayıb.
İngilis müğənni Adeli 2008-ci ildən "19" adlı ilk studiya albomu ilə güclü səsi və mahnıları ilə tanımışıq.
Britaniyalı müğənni Las-Veqasda "Weekends With Adele" nümayişindən sonra Almaniyanın Münhen şəhərində musiqisevərlərlə görüşüb. 36 yaşlı ulduz bunları deyib: "10 konsert daha verəcəyəm, daha sonra isə sizi uzun müddət görməyəcəyəm. Hər zaman qəlbimdə qalacaqsınız".
Qeyd dək ki, müğənninin Veqasdakı konsertləri noyabrın 23-də başa çatacaq.
"Bir müddət başqa yaradıcı şeylərlə məşğul olmaq istəyirəm",-deyə Adel əlavə edib.
Mənbə: NTV.com.tr
Tərcümə etdi: Rəfiqə Rəhimli
