Sikkələr İzmirdəki qədim şəhərdə bir evin altında basdırılmış vəziyyətdə tapılıb və ehtimal ki, muzdlular tərəfindən gizlədilib. İzmirdən 50 km, Kolophondan 15 km məsafədə yerləşən liman şəhəri Notionda arxeoloqlar qızıl sikkələrlə dolu qazan aşkar ediblər.
Türkiyənin qərb sahilində, Klaros, Kolophon, Metropolis və Efes də daxil olmaqla əsas arxeoloji obyektlərin yaxınlığında yaxşı qorunmuş və demək olar ki, tamamilə araşdırılmamış qədim şəhər olan Notion'da Prof. Dr. Arxeoloji qazıntılar Kristofer Con Rattenin rəhbərliyi altında aparılır. Yeni tapılan qızıl sikkələr Notion qəsəbəsindəki bir evin altındakı otaqda tapılıb. Bu sikkələrin üzərində diz çökmüş oxatan fiquru, Fars İmperiyasının zərb etdiyi qızıl sikkə olan Fars Dareikosunun dizayn elementi var. Miçiqan Universitetindən verilən açıqlamaya görə, sikkələrin Notiondan 97 kilometr şimal-şərqdə yerləşən Sardes Qədim Şəhərində zərb edildiyi təxmin edilir.
Tədqiqatçılar muzdluların bu sikkələrdən ödəniş kimi istifadə etdiklərini düşünürlər, lakin onları niyə basdırdıqları aydın deyil.Miçiqan Universitetinin qədim Aralıq dənizi incəsənəti və arxeologiyası professoru və Notion Arxeoloji Tədqiqatının direktoru Kristofer Ratte deyir: “Nəzarət olunan arxeoloji qazıntıda belə qiymətli tapıntının tapılması çox nadirdir”. sikkələr).
“Heç kim sikkələri, xüsusən də qiymətli metallardan olanları geri qaytarmağı düşünmədən basdırmır. Ona görə də belə kolleksiyanın qorunub saxlanmasını yalnız ən ciddi bədbəxtlik izah edə bilər”.
Bəzi üslub ipucları sikkələrin eramızdan əvvəl 5-ci əsrdə zərb edildiyini göstərir - bu dövr arxeoloqlara sikkələrin basdırılmasına səbəb olan hadisələri aşkar etməyə kömək edir.
"Bu tapıntı bütün sikkə ardıcıllığının xronologiyasını təyin etməyə kömək edəcək möhkəm bir tarix təqdim edəcək" dedi Ratte. Yunan tarixçisi Ksenofonta görə, tək Dareikos bir əsgərin bir aylıq maaşına bərabər idi”:deyir.
Mənbə: Arkeofili.com
Tərcümə etdi: Fatimə Şükürova
