Waze 2006-cı ildən fəaliyyət göstərən bir xidmətdir. Google Waze-i 2013-cü ildə alıb. O vaxtdan bəri müxtəlif yeniliklər etməyə davam edib.
Waze özünü yükləmək və istifadə etmək pulsuz olan icma tərəfindən idarə olunan GPS proqramı kimi təsvir edir. Başqa sözlə, bu, istifadəçilərin (Wazers kimi tanınır) iştirakı ilə dəstəklənən naviqasiya proqramıdır.
Bu istifadəçilər avtomobil idarə edərkən trafik məlumatlarını tətbiq ilə aktiv (qəzalar, polis nəzarət-buraxılış məntəqələri və s. haqqında məlumat) və passiv (trafik axını, sürət paylaşımı və s.) paylaşırlar. Bu, digər istifadəçilərə həmin məlumatdan faydalanmağa imkan verir.
Tətbiq daim yenilənir. Musiqi pleyeri inteqrasiyası və avtomobil paylaşma seçimləri kimi yeni funksiyalar təklif edir. Bununla belə, real vaxt rejimində naviqasiya mütləq onun ən vacib xüsusiyyətidir. Tətbiqi inanılmaz dərəcədə populyar edən bu xüsusiyyətdir.
Hazırda Waze-in dünya üzrə 150 milyondan çox istifadəçisi var. Təkcə Londonda bir milyondan çox istifadəçisi var. Son dərəcə populyar tətbiq yeni bölgələrə çıxış təklif etdiyi üçün hər gün daha populyarlaşır.
Mənbə: Can Cankıran
Tərcümə etdi: Aminə Paşazadə
