Alexandr Wang maşın öyrənmə modelləri üçün təlim məlumatlarını təmin edən məlumat annotasiya platforması olan Scale AI-nin təsisçisi və baş direktorudur. 24 yaşında o, dünyanın ən gənc milyarderi olub. Vanq Nyu-Meksiko ştatının Los Alamos şəhərində anadan olub. O, MIT-də kompüter elmləri və riyaziyyat üzrə təhsil alıb, lakin sonra 2016-cı ildə Scale AI-ni yaratmaq üçün təhsilini yarımçıq qoyub. Wang nüvə silahlarının ilk dəfə istifadə olunduğu Nyu-Meksiko ştatındakı Los Alamos Milli Laboratoriyasında fizik kimi çalışan Çinli mühacirlərin oğlu kimi böyüyüb. Yeniyetməlik illərində Vanq Quorada proqramçı kimi işləyirdi. Vanq uşaqlıqdan riyaziyyat və kompüter proqramlaşdırmasına həvəsli idi.
Scale AI Afrika və Cənub-Şərqi Asiyada 240,000 məlumat etiketləyicisini sərfəli qiymətə, bəzən saatda 1 dollardan az bir qiymətə işə götürən Remotask adlı platformanı idarə edir. Təlim məlumatlarının annotasiyası AI sistemlərinin çox aşağı keyfiyyətli nəticələr verməməsi üçün lazımdır. Filippində onun muzdlu işçilərinin çoxu əmək qanunları ilə əhatə olunmayan müstəqil podratçılardır.
2021-ci ildə Wang Müəssisə Texnologiyaları kateqoriyasında Forbes 30 siyahısına daxil edildi. O, həmçinin öz sahələrinin gələcəyini formalaşdıran inkişaf etməkdə olan liderləri tanıyan Time 100 Next və Time100 AI siyahısına daxil edilib.
Mənbə:Medium
Tərcümə etdi:Səma Cəlilova
