Cavan qalmaq qadınların ən vazkeçilməz arzusudur. Onlar bunun üçün müxtəlif yollara baş vururlar. Bu yollardan biri də idmandır.
İdman etmək bədənin vaxtından əvvəl formadan düşməsinin qarşısını alır. İnsanı olduğundan daha gənc göstərir.
Plank
Düz bir səthə uzanın. Dirsəklərinizi yerdə, çiyin genişliyində saxlayın. Rahat hiss etdiyiniz halda əllərinizi birləşdirə və ya sərbəst buraxa bilərsiniz. Ayaqlar təkan mövqeyində olduğu kimi ayaq barmaqları yerə doğru olmalıdır.
Cat-cow
Bu hərəkət arxa əzələləri, omba və qarnı rahatlaşdırır. Eyni zamanda, stress atmağa kömək edir. İş masası mövqeyindən dərin nəfəs alın və başınızı aşağı tutaraq bir pişiyin uzandığı kimi uzanın. Bacardığınız qədər uzandıqdan sonra bu vəziyyətdə bir neçə saniyə qalın. Nəfəs alaraq bədəninizi normal vəziyyətə gətirin. Hərəkəti bir neçə dəfə təkrarlayın.
Squat
Ayaqlarınızı omba genişliyində açın. Ombalarınızı stulda oturmuş kimi aşağı salın. Sonra yavaş-yavaş başlanğıc vəziyyətinə qayıdın. Ən azı 10 dəfə təkrar etməyə çalışın. Bu məşqi əlinizdə su şüşəsi və ya çəkilərlə də edə bilərsiniz.
Crescent lunge
Bu hərəkət uzun müddət hərəkətsiz qalanlar üçün çox faydalıdır. Dartınma zamanı əvvəlcə ayaq əzələləriniz gəriləcək, sonra isə özünüzü çox rahat hiss edəcəksiniz. Normal ayaq üstü vəziyyətdə olarkən bir ayağınızı bükün. Digər ayağınızın dabanını yerdən qaldırın. Əllərinizi başınızın üstündə, ovuclarınız bir-birinə baxacaq şəkildə birləşdirin.
Körpü
Arxası üstə uzanın və dizlərinizi bükün. Qollarınızı hər iki tərəfə uzadın. Ayaqlarınızı yerə möhkəm dayayın.Yavaş-yavaş ombalarınızı yerdən qaldırın. Vücudunuzun dizlərinizdən çiyinlərinizə qədər düz bir xətt təşkil etməsi üçün ombanı qaldırmaq vacibdir. Qarın və omba əzələlərini sıxın və bu vəziyyətdə 5 saniyə qalın.
Crunch
Əvvəlcə arxası üstə yerə uzanın. Dizlərinizi bükün və qarnınıza doğru çəkin. Dabanlarınızı yerə basdırın. Əllərinizi yanlara yayın və qarın əzələlərinizlə dizlərinizə yaxınlaşmağa çalışırmış kimi bir az qalxın. Bir neçə saniyə ara verin. Yenidən uzanın.
T-pushup
Sağ əlinizlə müqaviməti tarazlaşdıqdan sonra yavaş-yavaş plank vəziyyəti alın. Tarazlıqdan əmin olduqdan sonra sol qolunuzu düz havaya qaldırın. Bir neçə saniyə bu vəziyyətdə qalın. Əgər tarazlığı saxlaya bilirsinizsə, sol ayağı əyib sağ ayağın üzərinə qoya bilərsiniz. Sonra yavaş-yavaş başlanğıc hərəkətə dönün. Eyni hərəkəti digər tərəf üçün təkrarlayın.
Mənbə : Habertürk
Tərcümə etdi : Samirə İsmayılova
