İtaliya A Seriyasının 36-cı turu çərçivəsində Juventus səfərdə Lecce ilə üz-üzə gəlib. “Via del Mare” stadionunda keçirilən gərgin qarşılaşma Turin təmsilçisinin minimal hesablı qələbəsi ilə yekunlaşıb — 0:1.
Dušan Vlahović vurduğu qola özünəməxsus tərzdə qeyd edir.
24media.az Sporx.com-a istinadən xəbər verir ki, matçın taleyini həll edən yeganə qol artıq ilk dəqiqədə vurulub. Hücumçu Dušan Vlahović rəqib müdafiəsinin boşluğundan yararlanaraq topu qapıdan keçirib və komandasını önə çıxarıb.
Qarşılaşmanın ikinci hissəsində “Yuventus” daha iki dəfə fərqlənsə də, hər iki epizod VAR yoxlamasından sonra qeydə alınmayıb. 48-ci dəqiqədə Vlahoviçin, 59-cu dəqiqədə isə Pierre Kalulunun qolu ofsayd səbəbindən ləğv olunub.
Turin klubunun əsas heyətində yer alan Kenan Yıldız 83 dəqiqə meydanda olub və hücum xəttində fəallığı ilə diqqət çəkib.
Bu nəticədən sonra “Yuventus” xalını 68-ə yüksəldərək UEFA Çempionlar Liqasına vəsiqə uğrunda mübarizədə vacib qələbə qazanıb. “Leççe” isə 32 xalla turnir cədvəlinin 17-ci sırasında qalıb və aşağı liqaya düşmə təhlükəsindən tam uzaqlaşa bilməyib.
Ömər Cəfərov
