ABŞ-də fevral ayında əmək bazarında gözlənilməz azalma qeydə alınıb. Rəsmi məlumatlara görə, ölkə iqtisadiyyatında 92 min iş yeri azalıb, işsizlik səviyyəsi isə 4,4%-ə yüksəlib. Analitiklər isə işə qəbulun sabit qalacağını gözləyirdilər.
Məlumata görə, demək olar ki, bütün sahələrdə iş yerlərinin azalması müşahidə olunub. Adətən sabit sahə hesab olunan səhiyyə sektorunda da keçən ay baş verən tətil aksiyaları səbəbindən məşğulluq azalıb.
Bundan başqa, federal hökumətdə çalışanların sayı da azalmağa davam edib. Keçən ay bu sahədə 10 min iş yeri azalıb, ümumilikdə isə 2024-cü ilin oktyabrından bəri federal hökumətdə məşğulluq 330 min nəfər və ya 11 faiz azalıb.
Ekspertlər bildirirlər ki, bu göstəricilər əmək bazarında gözlənilən sabitləşmə ilə bağlı ümidləri azaldır. Analitiklərə görə, son statistika iqtisadi artımın tempinin zəifləməsi ilə bağlı narahatlıqları artırır.
Mənbə: BBC
Tərcümə etdi: Zəhra Əliyeva
