Böyük Britaniyanın Baş naziri Keir Starmer ABŞ-nin İsrail vasitəsilə İrana qarşı davam edən hücumları fonunda, Krallığın müdafiə əməliyyatlarını gücləndirmək məqsədilə Qətərə dörd döyüş təyyarəsi göndərəcəyini açıqlayıb.
BBC News canlı yayımında Böyük Britaniyanın Baş naziri Keir Starmer Qətərə dörd döyüş təyyarəsi göndəriləcəyini və ilk təxliyə reysinin həyata keçirildiyini açıqlayır
24media.az BBC news-a istinadən xəbər verir ki, Britaniya vətəndaşlarının vətənə qaytarılması üçün nəzərdə tutulan ilk təyyarə havaya qalxıb və 4000 nəfər artıq geri dönüb. Lakin siyasi müxbirlərin qeyd etdiyinə görə, bu rəqəm Orta Şərqdə olduğunu bildirən 140 min Britaniya vətəndaşı ilə müqayisədə olduqca kiçikdir.
Təyyarədə olan bir sərnişin BBC-yə açıqlamasında, texniki nasazlıq səbəbindən gecikən reysin "tam xaos" içində olduğunu deyib.
Starmer, həmçinin ABŞ təyyarələrinin Britaniya bazalarından istifadəsinə icazə vermədiyi ilə bağlı tənqidlərə cavab verərək onun İrana qarşı ilkin hücumlara qoşulmamaq qərarını müdafiə edib: "Mənim diqqətim sakit və soyuqqanlı liderlik nümayiş etdirməkdir".
Altı gün davam edən hücumlardan sonra Tehranda dağıntıları əks etdirən yeni fotolar yayılıb. İranın paytaxtında partlayışların izləri müşahidə olunur.
İsraildə ordu İrandan yeni hücumların baş verdiyini bildirir, səmada partlayışlar qeydə alınıb.
Birləşmiş Ərəb Əmirlikləri bu gün altı İran raketi və 131 pilotsuz uçuş aparatının qarşısını aldığını, lakin bir raket və altı dronun ölkə ərazisinə düşdüyünü açıqlayıb.
Partlayışlar Qətər və Bəhreyndə də qeydə alınıb. Azərbaycan da hücuma məruz qaldığını bildirib.
Fidan Ağayeva
