Kanadada 13 il əvvəl okeanda qalan sevgi dolu mesaj minlərlə mil uzaqlıqda tapılıb. Bir şüşədəki qeyd keçmiş sevgililər arasında sevgini yenidən alovlandırdı və bütün dünyada marağa səbəb oldu.
2012-ci ilin sentyabrında gənc cütlük Kanadanın şərq ucunda, Nyufaundlenddə romantik bir gün keçirdi və bunu yaddaqalan etmək üçün şüşəyə mesaj yazıb Atlantik okeanına buraxdılar.
Mesajda deyilirdi:
"Anita və Bredin Bell adasına səyahəti. Bu gün adanın ucunda biz şam yeməyini, bu şüşə şərabı və bir-birimizi paylaşdıq".
Qeydə qeyd və telefon nömrəsi əlavə edilib.
On üç il sonra, təxminən 2000 mil uzaqlıqda, İrlandiyanın qərb ucundakı Scraggane körfəzində, başqa bir cütlük, Kate və John Gay çimərlik təmizliyi zamanı şüşəni tapıblar.
Nömrə cavab vermədi
Nömrəyə zəng vurdular, amma cavab vermədilər. Beləliklə, onlar şüşənin tapıldığı yerdə təmizlik tədbirini təşkil edən Maharees Cultural and Conservation Association-ın Facebook səhifəsində yazıblar.
Post sürətlə viral oldu. Kanadadakı dostlarının köməyi ilə Anita və Bred Squires - indi evli və hələ də Nyufaundlenddə yaşayan - üç uşaq atası tapdılar.
"O zamanlar biz gənc aşiq idik"
Bred İrlandiyanın milli radiostansiyasına deyib: "Son 24 saat həqiqətən heyrətamiz idi. Bu hekayənin bu qədər diqqət çəkdiyi üçün çox şadıq. O vaxt biz sadəcə iki gənc aşiq idik. İndi biz bir az yaşlı, lakin hələ də aşiq olan cütlüklərik. Hekayəmizin eşidilməsinə çox şadıq. Yeni dostlar qazanırıq".
Cütlük 2016-cı ildə Bell adasına getdikdən təxminən dörd il sonra evlənib.
Maharees Mühafizə Cəmiyyətindən Martha Farrell, bu hekayədən sonra Kanadadan olan digər cütlərin dənizdə buraxdıqları şüşələrdə oxşar mesajlar paylaşmağa başladıqlarını söylədi.
Mənbə: NTV
Tərcümə etdi: Sona Osmanova
