Qəzzada Fələstin Səhiyyə Nazirliyindən verilən açıqlamada İsrailin Qəzzaya artıq 399 gündür baş tutan hücumları ilə bağlı məlumat verilib.
İsrail ordusunun Qəzzanın müxtəlif bölgələrində son 24 saatda həyata keçirdiyi 3 qırğında 39 nəfərin həyatını itirdiyi, 123 nəfərin isə yaralandığı bildirilib.
Qeyd olunub ki, İsrailin 7 oktyabr 2023-cü ildən Qəzzaya təşkil etdiyi hücumlarda ölənlərin sayı 43508-ə, yaralıların sayı isə 102684-ə yüksəlib.
Bəyanatda həmçinin dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qruplarının və mülki müdafiə işçilərinin cəsədlərə çata bilmədiyi bir daha vurğulanıb
Mənbə: TRT Haber
Tərcümə etdi: Fatimə Hüseynova
