Dünyanın ən yaxşı futbolçuları bazar ertəsi Parisdə 2024-cü ilin “Qızıl top” mərasimi üçün bir araya gələcək. Bu, Fransanın “France Football” jurnalı tərəfindən 1956-cı ildən bəri hər il təqdim edilən mükafatın 68-ci nəşri olacaq.
Ballon d'Or mükafatı həm kişilər, həm də qadınlar arasında futbolçular üçün ən nüfuzlu fərdi mükafat kimi tanınıb.
Mərasimdə bir neçə kateqoriya olsa da, bütün diqqətlər kişilər kateqoriyasında 2023-cü ilin qalibi Lionel Messini kimin tutacağına və Aitana Bonmatinin yenidən ən yaxşı qadın mükafatına iddialı olub-olmayacağına yönələcək.
Mərasim bazar ertəsi Parisdəki Theatre du Chatelet-də GMT vaxtı ilə 19:45-də baş tutacaq.
Kişilər kateqoriyasında 6 İngiltərə futbolçusu kapitan Harri Keyn, yarımmüdafiəçilər Cude Bellinqhem, Fil Foden və Deklan Rays, hücumçular Bukayo Saka və Koul Palmer namizəd olublar.
İngiltərəli futbolçular Ruben Dias, Emiliano Martinez, Martin Odegaard və William Saliba da namizəddirlər.
2003-cü ildən bəri ilk dəfədir ki, səkkizqat qalib Messi və beşqat qalib Kriştiano Ronaldo namizədliyini irəli sürmüyüb.
Qadınlar kateqoriyasında İngiltərə üçlüyü Lauren James, Lucy Bronze və Lauren Hemp bu mükafata iddialıdırlar.
Mənbə: BBC News
Tərcümə etdi: Səbuhi Əzənmədli
