Nigeriyanın şimalında, çərşənbə axşamı yanacaq toplamaq üçün toplaşan yerli sakinlərin yaxınlığında qəzaya uğrayan bir tankerin partlaması nəticəsində azı 105 nəfər həlak olub, 70 nəfər isə yaralanıb. Partlayışın baş verdiyi Jigawa əyalətindəki Majiya kəndində hadisənin axşam saatlarında baş verdiyi bildirilir və ölüm sayının artacağı gözlənilir. Jigawa polisi sözçüsü Shiisu Lawan Adam bildirib ki, sürücü idarəetməni itirib və tanker yanacaq axıdaraq drenaj xəndəyinə çevrilib. Nəticədə, sakinlər yanacaq toplamağa cəhd edərkən partlayış baş verib.
Çərşənbə günü günortadan sonra qurbanlar üçün kütləvi dəfn mərasimi keçirilib. Oxşar hadisələr əvvəl də çoxsaylı tələfatlara səbəb olub. Nigeriyanın yol təhlükəsizliyi agentliyinin verdiyi məlumata görə, 2020-ci ildə 1,500-dən çox yanacaq tankeri qəzaları nəticəsində 500-dən çox insan həlak olub. Yanacağın qıt olduğu və bahalı olduğu Qərbi Afrikanın bu ölkəsində yüksək yaşayış xərclərindən əziyyət çəkən sakinlər, tez-tez təhlükəyə baxmayaraq düşmüş tankerlərdən və ya zədələnmiş neft borularından yanacaq toplamağa cəhd edirlər.
Mənbə:CBC NEWS
Tərcümə etdi:Aysu Salahova
