İtaliya A Seriyasında çıxış edən "Napoli"dən transfer olunan "Qalatasaray"ın nigeriyalı mərkəz hücumçusu Viktor Osimhen "Qalatasaray" azarkeşlərinə müraciət edərək "sizi stadionda görmək üçün səbirsizlənirəm" deyib.
Sarı-qırmızılı klubun sosial media hesabında paylaşdığı videoda Osimhen RAMS Parkdan azarkeşlərə mesaj göndərərək "Salam Qalatasaray azarkeşləri. Viktor Osimhen buradadır. Burada olmaqdan çox xoşbəxtəm. Sizi stadionda görmək üçün səbirsizlənirəm"-deyib.
Viktor Osimhen də onu Qalatasarayla bağlayan rəsmi imzanı atdığı mərasimdə açıqlamalar verib.
Osimhen “Qalatasaray”ın maraqlandığını eşidəndə, "mənim üçün asan bir qərar oldu. “Qalatasaray”ın nə qədər böyük və ailəvi bir klub olduğunu bilirdim. Onun inanılmaz izləyicisi var. Henri Onyekuru mənim dostumdur. O, “Qalatasaray”da çıxış edib. O, klubun, azarkeşlərin və buradakı insanların necə böyük olduğunu söyləyib. Ona görə də mənim üçün asan qərar oldu. Hava limanına enəndə azarkeşlər məni elə həyəcanla qarşıladılar ki, özümü çox xoşbəxt hiss etdim. Belə şeylər oyunçu üçün vacibdir. Onlar üçün əlimdən gələni etmək istəyirəm. Mən bu layihəni səbirsizliklə gözləyirəm. Mən çox həyəcanlıyam” deyib.
Mənbə: TRT Haber
Tərcümə etdi: Məhəmməd Qasımov
